2024 жылғы 23 қаңтар күні Білім беруді дамытудың инновациялық орталығы облыс педагогтері үшін «Педагогикалық технология – бірлескен оқу және педагогикалық қызмет моделі» тақырыбында әдістемелік шеберхана ұйымдастырды. Аталған іс-шараға облыстың 100 педагогі қатысты.
Әдістемелік шеберхананың спикерлері өз тәжірибелерімен бөлісіп, саралап оқыту, жобалық технология, ТРИЗ технологиясы, жасанды интеллект мүмкіндіктері, диалог арқылы проблемалық оқыту, интерактивті тапсырмаларды қолдану сияқты заманауи технологиялар туралы баяндады. Заманауи технологияларды тиімді пайдалану әрбір ұстаздың құзырында, осыған орай іс-шарада оқу-тәрбие үрдісін жетілдіру, білім сапасын арттыру үшін ең тиімді педагогикалық технологияларды мектептерге енгізуге баса назар аударылды.Іс-шара соңында әдістемелік ұсынымдар берілді.
