2024 жылғы 23 ақпан күні Павлодар облысының Білім беруді дамытудың инновациялық орталығы жұмыс жоспарына сәйкес әдістемелік кабинеттер меңгерушілеріне, облыстық мамандандырылған және жалпы білім беру ұйымдарының басшыларына, орынбасарларына және барлық педагогтеріне арналған кезекті әдістемелік консалтинг өткізді.
Күн тәртібінде: «ББЖМ талдауы»; «PISA-2025 циклінің ерекшеліктері туралы»; «Жол картасы»; «1000 мектеп» жобаларына түсіндірме жұмысы жүргізілді.
Әдістемелік консалтинг материалдары аудандық/қалалық білім бөлімдерінің, сондай-ақ мамандандырылған және жалпы білім беру ұйымдарының ресми электрондық пошталарына жіберілді.
