Цифрлық сауаттылықты арттыру және білім беру технологияларын тиімді пайдалану мақсатында 2025 жылдың 14 ақпанында «Жас дарын» мамандандырылған мектеп-лицейі базасында Білім беруді дамытудың инновациялық орталығы «Білім алушылардың цифрлық дағдыларын дамыту» тақырыбында облыстық семинар өткізді. Семинарға облыстың ауылдық және шағын жинақты мектептерінен 35 мектеп директорының орынбасарлары мен педагогтері қатысты.
Семинар барысында қатысушыларға оқу үдерісін автоматтандыру тәжірибесі көрсетілді, сондай-ақ цифрлық білім беру бағдарламалары мен интернет-ресурстарды тиімді пайдалану тәсілдері ұсынылды. Семинар нәтижесінде қатысушылар цифрлық құралдарды пайдалану арқылы білім сапасын арттыру және білім алушылардың ақпараттық-коммуникациялық дағдыларын дамыту саласында жаңа білім мен дағдыларға ие болды.
